AMFANI DA NAURAR BINCIKE NA GOOGLE
Duk wani mai
amfani da yanar gizo ya kamata a ce ya fahimci naurar bincike na Google domin
shine uban dakin duk wani naurar bincike da ke kan yanar gizo wato intanet.
Akwai naurorin bincike kala daban daban irin su Yahoo, bing, ask da dai sauran
su, ama idan akace uban dakinsu kun san cewa ya sha gaban su ya yi masu shal
inji kanawa. Kusan duka wani bayani a kan abubuwa wato ma’ana kama da sauran
labaru a kan abubuwa za a same su a kan yanar gizo misali shine kaman idan kana
son tarihin wani ko wata a nan bari in yi misali da Sarkin Kano Mai Martaba Ado
Bayero.
Idan ka/ki
na da waya mai aiki da intanet ko kuma komputa wanda an saka mashi layi mai
intanet kuma an biya kudin browsing sai
a bude shafin yanar gizo a rubuta www.google.com a dana inda aka sa a dana a gefen
dama wani lokaci ana rubutawa da harshen turanci cewa a dana a wasu wuraren
kuma alama ce kawai idan shafin ya fito za ku gan an rubuta Google a saman wani
dogon gida idan za ka rubuta abun da ka/ki ke so ku bincika.
A saman wannan sunan Google din akwai inda aka
yi wasu rubutu inda ake tambaya a kan bincike da za ka yi hotone? Labari ne? ko
bincike a kan yanar gizo?
A kasa kuma
idan kai mazaunin Najeriya ne za ka gan an rubuta harshen Hausa, Yoruba da
Igbo, wato mutum ya zabi wanda ya ke so, zai kuma fi fahimta ba dole sai da
harshen turanci ba, tun da munce bincike mu ke so muyi a kan Sarkin Kano Ado
Bayero, sai kawai mu rubuta Sarkin kano ko mu rubuta Ado Bayero sai mu kuma
dana inda aka rubuta search wato bincike kenan, cikin gajeren lokaci za ku gani
bayani dubunai akan Sarkin Kano, sai dai mutum ya zabi wanda zai fi mai amfani
ya karanta za a iya bude shafin yanar gizon da ya fi kusa da abun da a ke so a
samu wasu lokutan har a kwafa a komfuta ko waya. Wasu binciken kuma sai dai a karanta a barshi.
A cikin
misali na Sarkin Kano za a ga hotuna,tarihi,labaru daga jaridu daban daban,film
na video da aka dauke shi a wurare daban daban da dai sauransu.
Wani misali
kuma shi ne kamar mutum na son samun bayani a kan wani ciwo ko magani ,mudin
ciwon ko maganin sananne ne idan a ka rubuta sunan bayanai za su fito dalla
dalla.
Uwargida
kina son ki san amfanin wani abinci ko yadda za ki girka shi?
Wannan ma abu
mai sauki ne,idan ki ka fara samo girki iri iri daga kasashen duniya da biki
taba ma sanin sunayensu ba,maigida sai ya baki hakuri ya ce ya gode canji kulum
a dawo miyar kukan nan dai ta gargajiya dan ya manta kamar ta. Bincike ki ke so
akan kwalliya?Kula da gida,Tarbiyyar yara,Jan hankalin maigida da gyara
zamantakewar ku duk ki bincika za ki samu na kasashe daban daban sai ki zabi
wanda ya dace da akidar ku.
Yan
makaranta kuna neman Karin bayani akan abubuwan da aka koya muku a aji ko an ba
ku aiki ku yi a gida? To ku doshi Google duk wani karatu za ku tar da shi a
bayane daga na yan shekaru biyu har kurewar boko.
Bincike kan
ilimin addini da na kimiya ma duk da akwai idan aka bincika.
Akwai
bayanai da mutum zai iya samu ta fanin sana’a kamar a ina zai samu masu sayan
Ridin da ya ke nomawa,ta yaya zai gyara noman na shi?. A wace kasa a ka fi
samun kayan aikin gona da yake nema.A wane shago ne ake samun shadda a sari
wanda mutum zai iya oda ba sai ya je da kansa ba. Abubuwan dai ba a cewa komai.
Ama fa duk
abun da aka ce barka da shi kila a ce Allah ya wadaran sa domin ba duk abun da
aka saka a kan yanar gizo ne ya ke zama gaskiya ba wasu da akwai karya da zamba
saboda haka sai mutum ya kula ya yi amfani da hankalinsa.
Wajen
binciken yara kuwa sai a yi kokarin jan kunnen su domin da akwai miyagun
abubuwa na batsa da batanci da bai kamata su rika bincikawa ba suna budewa.Wannan
aikin iyayene shi yasa yake da muhimmanci mu kanmu mu gane kan komfuta da irin
su Google din mu dakanmu.
No comments:
Post a Comment